Haqqımızda

 

“VƏTƏNPƏRVƏRLƏR KLUBU”

 

“İrəli” UGH artıq 2 ildən çox idi ki yaranmışdı. Yarandığı gündən böyük işlərlə ictimayətdə seçilirdi. Artıq biz hər bir sahədə öz sözümüzü deyirdik. “İrəli”-də departamentlər var idi və bu departamentlər bir başa “İrəli”-nin fəaliyyətinin hasnı sahələrdə olduğunu göstərirdi.

Gün gəlib çatdı, artıq üzvlər öz şəxsi maraqları əsasında klublar yaratdılar. Bunlardan “Ekoloqlar” , “Politoloqlar” , “İqtisadçılar” və s klubları misal göstərmək olar. Ancaq ölkəmizin bu günündə, gənclimiyizin diqqətinin başqa yerlərə, başqa sahələrə yönəldiyi bir dönəmdə, qəlbində Vətən sevgisi olub bunu biruzə verə bilməyən gənclərimizin başqa gənclərin içində görünməz olmadığnı nəzərə alaraq daha bir klub yaratdıq. “Vətənpərvərlər klubu “

Bəli belə bir kluba həqiqətən ehtiyac var idi çünki, onlarla gənc Vətəni üçün nə isə etmək istəyir, ancaq bu istəyini həyata keçirməyə imkan verməyən səbəblər var. Bu səbəblərdən bəziləri də utancaqlıq və bu cür gənclərin toplaçdığı məkanın olmamasıdır. Ancaq artıq “İrəli” var və artıq  “Vətənpərvərlər klubu “

var. Yarandığımız gündən bəri  onlarla insan bizə qoşuldu. Bu insanların təkliflərini, planlarını gördükdə hiss olunurdu ki,onların  qəlbində vətənə məhəbbət hissi daha çoxdur.

İlk günlərdən artıq gənciliyin vətənpərvər kimi formalaşmasında rol oynaya biləcək tədbirləri həyata keçirməyə başladıq ki, bunlardan biri də bu siyahının başında duran “Şəhidlər xiyabanı”-nı ziyarət etmək oldu. “Vətənpərvərlər klubu ” bütün Azərbaycana göstərdi ki, “Şəhidlər xiyabanı” yalnız 20 yanvar günü ziyarət olunacaq bir məkan deyil. Vaxt aşırı hər zaman vaxt tapan kimi biz şəhidlərimiz yad etməliyik, onları nə unutmalı, nə də bizdən sonra gələcək nəsillərə unutdurmalıyıq.

Bizim planlarımız böyükdür. Planlarımızda ən əsas yeri tutan amillərdən biri də  kimsəsiz vətən övladlarımızı tək qoymamaq, orta məktəblərdən baçlayaraq artıq Vətənpərvərlik ruhunu aşılamaqdır. Elə bu səbəbdən də sentyabr ayından  başlayaraq iki qrup fəaliyyətə başlayacaq. Bunlardan biri uşaq evləri ilə iş üçün yaradılmış digəri isə orta məktəblərlə iş üçün yaradılmış “Məktəblilər qrupu”-dur ki, yayın bu vaxtında belə istirahət etmir, hər bazar günü iclaslar keçirir və sentyabr ayı üçün çalışırlar.

Bizim məqsədimiz heç də məhv olmuş gəncliyi dirçəltmək deyil. Çünki, bu olduqca çətin məsələdir. Bizim məqdsədimiz məhv ola biləcək gəncliyin qarşısını almaq və ən əsası ətrafımızda olan vətənpərpərvər gəncləri bir araya toplamaqdır. Bunun üçün əlimizdən gələni edirik və edəcəyikdə.

Hər yeni ildə Azərbaycanda minlərlə körpə dünyaya göz açır. Bu körpələr gün keçdikcə böyüyür, yaşa dolur. Ancaq bu günki, 20 yaşında bir gənc Agdamın Füzulinin işğal günündə Nizami küçəsində durub konserte tamaşa edirsə və bu günki gündən xəbərsizdirsə, siz düşünün 20 il ərzində torpaqlarımız qayıtmasa o indiki körpələr Füzuli adlı rayonun bizim olduğuna artıq şübhə ilə baxmayacaqlarmı?

Biz “Vətənpərvlər klubu” olaraq vətənpərvərliyi ancaq əlinə silah alıb döyüşməkdə görmürük. Biz istəyirik ki, televiziyada, qazet və jurnallarda ilk öncə gənclərimiz üçün siyasət, şou-biznes və digər xəbərlərdən çox Vətənpərvərlik mövzusunda verlişlərə, yazı və məqalələrə yer ayrılsın. Biz istəyiri ki, dilimizi qoruyaq. Qoy hər bir ailədə övlada rus dili yox doğma dili öyrədilsin. Biz istəyirik ki, şəhidlərimiz unudulmasın, onlar hər zaman anılsın. Bəli biz bu vətənin həqiqi sahibləriyik. Biz bu vətəni qarşılıqsız sevənlərdənik. Bəli biz bu vətən ugrunda ölüb, öldürə biləcək gənclərdənik.

 

P.S. Harda və necə olmasından asıli olmayaraq bunları unutma.

Mən insanam

Mən müsəlmanam

Mən Azərbaycanlıyam və bununla hər zaman fəxr etməliyəm mənim tarixim gerçək tarixdir.

 

 

Dualarımla Musa!

“Vətənpərvərlər klubu”-nun rəhbəri